Fysisk Forskning
Då amerikanske John Duncan debuterte i kunstverda for tretti år siden vart det eit stort ramaskrik. Han har siden den gong utforska grensene for psykisk og fysisk smerte. Og difor har han tittelen: fysisk forskar. “Blind Date” (1980) er hans mest kjende verk: først hadde han samleie med eit kvinnelik og deretter blei han sterilisert. Kritikken var massiv - særleg frå kvinnerørsla i USA. Bakgrunnen for å lage dette brutale verket var ei trong til å reinse seg frå minna om overgrep i sin eigen barndom. Han ville så sitt siste frø i ein daud kropp for så å aldri kunne så meir. Det hadde bakgrunn i at mange offer sjølve blir overgriparar.

Paralellt med fysisk forskning har Duncan arbeidd med lyd. Frå midten av syttitalet byrja han å arbeide med kortbølgeradioar, og då han flytte til Japan nokre få år etter "Blind Date" satsa han stort på piratkringkasting. Han og kollegaer stod på skyskrapartak i Tokyo og sendte ut signal. Det var på denne tida han byrja med videokunst - parallellt med å lage ein serie pornofilmar under kunstnarnamnet John See.

Det var først på slutten av åttitalet at John Duncan blei innadvent og satsa i større grad på musikken. Blant hans mest kjende arbeid er plata "Crackling" laga i partikkelakselleratoren ved Stanford University. Dei seinare åra har han arbeidd mykje med den finske gruppa Pan Sonic. Og det er den musikalske sida av ei mangslungen verkesemd han trekker fram ikveld på Landmark.

- Arrangert i samarbeid med

Borealis 2007

15. Mars Torsdag

15. Mars
Torsdag